حقيقة مدوية من بيروت

AL-MOHAJER ( THE EMIGRANT )

  



الإنتشار اللبناني







لبنان الحلو يا جو هادي - الحاج صبحي سعد

وطن لبنان ما منرضى بدالو             وطن جامع صليبو مع هلالو

وطن من جنة الفردوس بادي            جمالو كتير أكبر من مجالو

يا لبنان الحلو يا جو هادي                يا درّة عالشرق بيشوف حالو

يا أرض المعرفة يا طير شادي          يا أرزة شامخة بأعلى جبالو

فصولو الأربعة في اعتقادي             عنها كتير حكيوا وهيك قالوا

جمال الكون قدملوا شهادة                ومواسم خير عم تدفق غلالو

وجبل صنين مصدر للسعادة             وبياض التلج توّجلو كمالو

بتقشع لو مشيت بقلب وادي             القمر مرتاح عا قمة تلالو

جريمة بالوطن لعب بالأيادي             وجريمة يهجّروا نخبة رجالو

وجريمة ينحرم حق السيادة              وجريمة يشاركوا في اغتيالو

انتفض يا شعبنا بكل النوادي              وعبّر عن وطن ما ارتاح بالو

وانا من حرص حبي عا بلادي          اذا النهج السياسي هيك باقي

       جريمة بحق لبنان وجمالو

      

إيام يا ستّي ... - د. هاني الضيعة - بوسطن

وبِتذَكَّرِك والمَوج عالي كْتِيرْ   
   وبالِك عَجدّي خايِف وزِعلانْ
تقُوليلي "تْأخَّر، ما بَقى بَكّير    
 لَيْش بَعدو بهَالبَحِر وِلهان"
وبِطلّ جِدّي وفَرِحْتِك بِتْصير  
  تِرسُم ضِحِك عالسَقِف والحِيطان
 
يْخَبّرِك كِيف المَوج يِلطُم مَوجْ    
 و "نور الهُدى" بِهالمَدا سِرحانْ
النَقْرَة قوِيّة، ونْهارو باللَوْج      
   ...وعَن غَضَب البحِر ما سِئلان
السَمَكْ يِخْلَص فَوج، تِقْلي فَوْج   
  وأنا عَم آكُلْ وإسْمَع فِرحانْ
 
تِجي السَهرَة وْتِحِمْلي هالصُوفْ 
   تْصِيري تخَيْطي وتِحرُك القِضبانْ
يا مِينْ يِجي يِتْطَلَّع ويشوُف     
  تْياب عَم تِطْلَعْ مِن الخِيطان
أَحفادِك، وْلادُن، وحَتَّى ضْيوف   
  كِلُّن لِبْسوا مْنِ خيوطِك قِمصان
 
 يْطِلّ الأحَد، وتِحِمْلي "الإشَرْبْ"  
  وْتِمشي بِلَهفِة عَكْنيسِة الإيمانْ
إمْشي وَراكي ودَرِب يِتْبَع دَرْب  
   وْياما وَراكي بوَّسِتْ صِلْبان
بَعدا طِلباتِك حارْسِة هَالقَلْب     
  وبَعدا عْلَينا بَركِة القِربان
 
هَيْ ذِكرياتي، ومَرقِت بِغَمض عْيونْ
 يا لَيتو بيِرْجع هيداكَ الزمانْ
الله يا سِتّي، شَعّلّي الكانون     
    راجِع أنا مِن غِرِبتي بِردان
حَضّري شراب الورِد لَوْن ولَون   
    راجِع أنا من غِرِبتي عطشان
ورِدّيلي "الدِشَك" عَلى البَلكون   
    تَحِطّ راسي وْإغْفا هَونِيكْ
تَحت السما، ماحْلَى سَما لبْنانْ

انشالله صوتنا وصوت المهاجر.. بيردّ المهاجر عا بلادو - الحاج صبحي سعد - ميشيغن

 
تنتمرد على الدهر وعنادو            وعلى طموحات مقدرتو وفسادو
 
هجرنا بلادنا برقة ولطافي            وتركنا الأرز شامخ في عمادو
 
وصرنا بالغرب رقم الاضافي         وشفنا شعبها ل حقق مرادو
 
وشفنا العيش فيها كتير صافي     وحقوق محصّني عليها عتادو
 
وانا يا موطني رغم المسافي          إلك أشواق حبي كتير زادو
 
إنشاالله منلتقي بعد التجافي        لقى ل بيّ الحنون على ولادو
 
يا فاتح للشرق صدرك مضافي      بعشر تالاف كيلو امتدادو
 
عطيت الغير شو معنى الضيافي    و يلّي كفوفهن بالخير جادو
 
الشاعر في إلو تقدير  وافي          قوافي بكر قدّملك فؤادو
 
وبدّي ضل انظملك قوافي            ت يجلي الليل من غيمك سوادو
 
الصحافي فكر والمصدر ثقافي      كأنو فارس بساحة جهادو
 
ولأنّو الشاعر.. رفيق الصحافي      إنشاالله  صوتنا وصوت "المهاجر"
                     
                            بيرد المهاجر عا بلادو.  

Nouhad Mcharafiyeh Poetry - نهاد نايف المشرفية

بلادي

 

 

إنتي عندي يا بلادي أثمن بستان    فيكي أجمل  صبايا   وأحلى  الشبان

فيكي الريحة الزكية من أزهارك   وفيكي الطلعة البهية في شهر نيسان

 

 وفيكي اثمار شهية عأشجارك     ونعمة  ألله  مغطية  جبال  ووديان

وفيكي عقول الذكية وإنشالله تظل    وتتناسى الأنانية   بيبقى   لبنان.

 

عام ٢٠٠٨ نالت هذه القصيدة الجائزة الأولى في مسابقة جريدة الأنوار اللبنانية  وهي بقيمة ألف دولار .

 
حمى الله تعالى وطننا الحبيب لبنان وطناً لجميع اللبنانيين وحمى جيشنا الباسل حامي الحمى.
نهاد نايف المشرفية

 

 

 

لبنانُ باقٍ - رائف عيد - نيو جرسي

لبنانُ باقٍ
 
لبنان لبنان ما الخَبَرُ                أينَ هُمُ البَشَرُ
للغُربةِ هَجَروا                       جارَ الزمانَ،  بِكَ غَدَروا
لبنان لبنان ما الخبر                وأريجُ زهرِك العطِرُ
وسماءٌ هامَ بها القمَرٌ                وعاشقٌ فرَحاً ينهَمِرُ
وشبابٌ نضِرٌ عبَروا                 وفي رِحاب الدُنيا انْدثَروا
أَسُكْناكَ الحَجر والشَجر             لبنانُ هذا هو الخَبر
وهَل أعداؤك انتَصروا              وأمَّهاتك في العَرِين تَنتَظِرُ
دَعوا وصَلُّوا ونَذَروا                أن تعُودَ سيِّداً, مُحرَّرُ
على هضابِك مَطَرٌ يَنهَمِر          وفي سهولِك العِشْب الأَخضَر
وفي جوامِعك إسْمُ الرَبِّ كبَّروا       وفي كنائِسك مزاميرٌ تُبَشِّر
عارٌ علَيهم يومَ فكَّروا               أن يَزرعوا الفتنةَ ويُدَمِّروا
شبابُك  بالخَيْرِ  يُزهِر              وعدُوّكَ وحْشٌ يُقهَرُ
بَطَلٌ أَنتَ ولَو نَكَروا                 لبنان باقٍ مَهما تَجَروا

صُورَة بَحرِيَّة - د. هاني الضَيعه -بوسطن

صُورَة "بَحرِيَّة" هِي مَشهَدٌ بالعامِّيَة مِن البِيئَة البَحرِيَة حيثُ تَرَعرَعْت. أُهْدِيها إلى كلِّ بحَّارٍ في مشرِقنا الحَبِيب

 

صُورَة بَحرِيَّة

 

بِتْذَكَّرَكْ تُوعَى الصبِحْ بَكِّيرْ 

إنتَ فايِق وبَعْدا نايْمِة الحارَةْ

تِلْبسْ تْيابَك بِسرْعَة وِتْصِيرْ

رَيِّسْ! لِلصَيْد عِنْدَك حَضَارَة

تْوَجِّه المَرْكَب والحِلِم شُو كْبِيرْ

سْلاحَك زُوَّادِة وْخَيْط صِنَّارَة

 

بِقَلْب البَحِر ما بَيْن هَالسَمْكاتْ

تْصِيْر الأَمِيرْ وبَحْرَك إِمَارَةْ

وِالهَوا بِصِيرْ يِحْكِيلَك حْكاياتْ

وِنْجوم السَما تِعْمِلَّكْ مَنَارَة

وِالعَدْرا مِن فَوْقْ هَالغَيْمَات

تِبْعَتْلَك كِلّ شْوَيّْ إِشارَةْ

 

وْبِتْذَكَّرَكْ تِرْجَعْ عِنِدْ الغْيَابْ

وِالمَيّْ عَتْيابَكْ تِتْرُكْ آثارا

وِالسَمكْ بِسَلّتَكْ بَعْدٌو شَبَابْ

* "جَرُو"، "سِحْتايِة"، يَمّا "فارَةْ"

قِلَّكْ "عَوافي!" إنْتَ وْبِالبابْ

ترِدّ العَوافي وِيْحِسّْ فِيكْ البَيْتْ

تِفْرَحْ حِيْطان الدَار وِحْجارا!


 

*أسْماء مَحَلِّيَة لِأنواعٍ مِن السَمَك.

 

  • بروكس نادر "الجبيليّة الأصل" تغزو نيويورك بعد ان اكتشفها صانع النجمتين سيندي كروفرد وجيزال ...


    لم تخفِ يوماً بروكس نادرأصولها اللبنانية اذا أنها تشير في كل مقابلة أن نصفها لبناني. هي حفيدة سامي نادر من البربارة في جبيل. هاجر والد جدها سامي الى الولايات المتحدة عام 1920 مع أمه وشقيقة خليل الذي كان ينوي دراسة الطب. أكمل سامي حياته في لويزيانا وأنجب عائلة من خمسة ... المزيد +
  • المحامي فيليب نصرالله للمهاجر: سلمى مسعود من العاقورة اول محامية في ولاية ماساتشوستس.. العاقوري قبضاي وين ما كان.. عندما يأتي المكتوب باللون ...

    بروكتُن بنكهة التفاح .. أكبر جالية "عاقورية" في الولايات المتحدة


    لم تنفع وعود المتصرف مظفّر باشا في خطابه الشهير في ساحة بلدة العاقورة عام 1903 في ردع "العاقوريين" عن الهجرة، ولم تنفع نقاشات البطريرك الحويك مع أبناء البلدة حول كيفية الإستفادة من ثروات القرية الطبيعية. فلا آمال في ظل الحكم العثماني الظالم، ولا وعود معامل الأخشاب كانت تنفع " القبضايات" الذين "كرجوا" ... المزيد +
  • بين شحادة وأمين .. سروال ودموع وبابور القلعة لا يعرف الرجوع


    شحادة في سيارته الفورد مع شرطي بلدية ساو باولو  كانت الساعة الرابعة بعد الظهر عندما كان  " البابور" اي الباخرة الإيطالية تركع عند رأس القلعة في بلدة أنفة الجميلة في شمال لبنان، وكان شباب البلدة يودعون أهلهم عند تلك القلعة الواقعة على شاطئ البحر، حاملين زوادة مأكولات لمسافة الطريق الطويلة والتي ... المزيد +
  • من مزيارة الى لاغوس.. حمل "الكشّة " وسجّل الياس الخوري أول مغترب في افريقيا


    قبل اكثر من مئة عام أبحر اللبنانيون الى شواطئ لا يعرفون اسماءها، هرباً من مخلفات فتنة 1860، وسعياً وراء لقمة العيش. بعضهم ظن انه وصل الى السواحل الاميركية أو البرتغالية أو الاسترالية، في حين انهم وصلوا الى السنغال أو ساحل العاج أو ليبيريا، من دون ان يشكل ذلك لهم أية ... المزيد +